FINDING SAMARA

Released: July 30, 2013

“Sana ang puso katulad ng kotse na puwedeng mag-detour. Para kapag nahihirapan nang dumaan sa highway, puwedeng umiwas.”

Desperado na si Ivan na makakita ng perpektong modelo para sa bagong magazine na ilo-launch ng kanilang kompanya. Ilang baguhang modelo at artista na ang ipinrisinta niya sa editor niya at sa publisher ng magazine pero walang pumapasa sa panlasa ng mga ito. Ang dapat daw ay fresh face.

Hanggang sa matagpuan niya ang hinahanap sa katauhan ni Samara, ang simple at kulang sa self-confidence na dalagang nag-intermission number sa isang beauty pageant sa hometown niya sa Bicol nang minsang makuha siya para mag-judge sa patimpalak. He helped her to develop self-esteem.

And eventually Samara bloomed.

Pero ano’ng nangyari at tila nagbago ang isip niya? Ngayon ay gusto na lamang niyang itago ito at angkinin ang kagandahan nito.

Poem (pang-sawi sa pag-ibig)

wala ako magawa last night kaya kinalkal ko ang cellphone ko at nag-delete ako ng mga ka-something-an.. then i saw this poem na ginawa ko noong nagkakalabuan kami ng ex ko na itago natin sa pangalang "Ryan" (wahahah.. itago pa daw ba! yan ang name nya! =)  )


Is it going to end this way?
I just can't say come what may..
I still pray that you will stay
Still hope that your love won't fade away..

I don't know how to live each day
Without a call or text that just says hey
Is this the price i need to pay
For all the things I've done the wrong way

There's nothing I won't give away
Just to have you and hold you each day
For without you my life would be astray
I won't last for another day

beyond...

On my way home from our brainstorming/workshop (while nasa taxi ako), ni-replay ko sa utak ko ang mga nangyari at napag-usapan namin kanina. It was an interesting topic, indeed.  Natutuwa ako na binibigyan kami ng chance ng publishing na mag-experiment at i-try na palawakin ang skills namin sa pagsusulat.

Kanina binigyan nila kami ng activity. We need to come up with a story in 15 minutes gamit `yong tatlong…ano bang tawag dun? Material? Idea? Idea… Isang nabubulag, isang sirkera at isang taxi… challenging `di ba? and the story should be sensual and mature. The story that I came up to wasn’t that good (for me, ewan ko sa kanila.. kasi naman 15minutes nakakaloka bumuo ng story sa ganoon kaikli na time) pero natawa ako (at pati na rin sila Sir) dun sa ginawa kong ending, pinapangit ko kasi `yong heroine. But my point was, dun ko ipapasok `yong realization no’ng heroine na mahal lang talaga siya ng hero. Pero sabi ni Sir Jun, “very brave ang idea ko”… ang tanong ano ibig niyang sabihin doon? Was that a compliment? (Ayaw ko nang alamin.. LOL! Basta for me may something sa sinabi niya =P)

Anyway, `yon nga noong pauwi ako, I asked myself “kaya ko na bang lumabas sa comfort zone ko?” My editor told me na kaya ko (mas greater ang faith nya sa akin keysa sa meron ako sa sarili ko). There are lots of ideas/plots na pumasok sa isip ko sa five years na ipinagpahinga ko sa pagsusulat… may fantasy (sefethavia), family oriented (Eba), drama (withered rose), sensual (Kiko’s Mistress) etc.. Lahat sila may synopsis na at naghihintay na lang na isulat ko.. but since nasanay ako sa genre ng romance takot akong gawin kaya hanggang ngayon synopsis pa rin sila..  pero andoon sa isang bahagi ng utak ko ang nagsasabi na lumabas ka lumabas ka! pero paano ko gagawin, `yon ang `di ko alam… hayzt.. ang hirap ng ganito.. nasabi ko na ba na isa sa mga greatest and wildest dream ko mula pa noong 16 years old ako  ay ang maging Palanca Awardee? Haha.. paano kaya mangyayari `yon kung ganito naman kalaki ang takot sa dibdib ko? ultimo sa pagsasalita kanina para ikwento ang nagawa kong story nanginginig ako.. hahaha.. mukha lang makapal ang mukha ko pero sa totoo lang mahiyain ako.. super…

…ayun.. nakakaloka.. pero kelangan ko itong pag-isipan.. 

Huwag Ka Nang Mawawala

Released: July 2, 2013

“Akala ko, sapat na sa akin `yong mag-isa ako. Akala ko, kompleto na ako basta kasama ko lang ang pamilya at mga kaibigan ko. Pero dumating ka… I don’t know how you did it, but you changed me.”

Limang taon na ang nakalilipas mula nang mabigo at masaktan si Enrico, dahilan para mahirapan siyang buksan uli ang kanyang puso sa ibang babae. Until he met Anezka. Makulit, carefree, at bubbly si Anezka pero pagdating sa mga lalaking nanliligaw ay ilag ito.

At hindi napigilan ni Enrico ang sariling ma-attract dito.
Nang sabihin niya rito ang nararamdaman niya ay umamin din ito na may feelings ito sa kanya. Ang problema ay ayaw naman nito ng commitment kaya pinilit niya ang sariling makontento sa kung anumang mayroon sila sa ngayon. But he gave his best to prove to her that he deserved her love.

Akala niya ay maayos na ang lahat sa pagitan nila, pero dumating ang isang Reagan Benitez. Hindi niya alam kung sino ang lalaki sa buhay ng dalaga, pero nasisiguro niyang si Reagan ang dahilan ng panlalamig ni Anezka sa kanya.

Ngayon lang uli siya nagmahal at hindi niya basta isusuko si Anezka nang ganoon kadali.

For The Love of Jasmine

released: July 2, 2013


“I’m willing to give up everything for you. Please be fair. Ipaglaban mo rin ako kahit paano.”

Hindi maintindihan ni Jasmine kung bakit hindi maalis-alis sa isip niya si Vince mula nang makilala niya ito sa birthday party ng kanyang kaibigan. Dapat pa nga ay mainis siya rito dahil kung makatingin ito ay parang sinasabi nito sa kanya na hindi siya ang ideal woman nito. Pero subukan man niyang kalimutan ito ay hindi niya magawa.
Hanggang sa isang araw ay bigla na lamang itong sumulpot sa ospital na pinagtatrabahuhan niya—at nakikipagkaibigan.
Laking tuwa ni Vince nang tanggapin niya ang pakikipagkaibigan nito. Parang sinasabi rin ng puso niya na tama ang ginawa niya. Naging simula iyon ng magandang samahan nila. Ipinaramdam sa kanya ni Vince kung gaano siya kahalaga rito. That was why she was willing to give her all. Ngunit isang katotohanan ang biglang parang bombang sumabog sa harap niya. At iyon na yata ang tuluyang magpapaguho sa mundo niyang minsang naging makulay dahil kay Vince.