“Love is something that won’t ever fade. Once you really love someone, that person will stay in your heart forever.”
Arabella’s almost perfect world shattered when her fiancé went missing on the day of their wedding. Ang masakit ay wala man lang itong ibinigay na matino at katanggap-tanggap na rason kung bakit iniwan siya nito.
Pinayuhan siya ng kaibigan at boss niya na magbakasyon muna siya para makapagpahinga at makapag-isip-isip. Naisip niyang tama ito kaya pumayag siya sa suhestiyon nito na sa rest house ng pamilya nito sa Quezon magpunta.
Ang akala niya ay makakapagbakasyon siya nang maayos doon, pero isang gabi pa lamang siya sa pananatili roon ay dumating na ang isang napakaaroganteng lalaki na sumira ng pamamahinga niya—si Jared. Pinsan ito ng boss niya at naroon din para magbakasyon. Pagkatapos ng matinding diskusyon ay nagkasundo sila ni Jared na manatili roon.
Magkasama sila sa rest house ngunit wala silang pakialam sa isa’t isa. Pero sadyang mahirap iwasan ang atraksiyong nararamdaman niya para dito. This beast was so damn hard to ignore!
